ASKA Insurance lanceert nieuwe koers naar EXCELLENTIE
January 4, 2017
Show all

KOMUNIKADO DI PRENSA
Un públiko animá a presensiá e Wellness Expo Festival i Kampionato Nashonal di Bodybuilding & Fitness 2017 djadumingu último 17 sèptèmber 2017 den WTC, e aña akí dediká na sra. Ninita Rumai. Enfoke di e dia spesial akí tabata dirigí spesialmente riba nos hóbennan i pa traha riba union den e deporte di Bodybuilding & Fitness. ASKA Insurances ta kontentu di a forma parti di e grandioso aktividat akí i ta felisitá tur partisipante i partikularmente e ganadónan den e 5 kategorianan ofisial di e kompetensia: sr. Marion Bentoera den kategoria di Overall Men’s Bodybuilding, sr. Gideon Hellement den kategoria di Overall Men’s Physique, sra. Nyhaily Toppenberg den Women’s Body Figure, sra. Josane Muzo den Women’s Fitness i sra. Deydania Rodriguez den e kategoria di Women’s Wellness. Di parti di ASKA Insurances, kada un di e ganadónan akí por konta ku kobertura kompleto di e pakete di seguro di biahe durante nan próksimo kompetensia kaminda nan lo representá Kòrsou den eksterior. Un pabien tambe na e direktiva nobo di Curaçao Bodybuilding & Fitness Federation CBBFF ku e éksito di e Wellness Sport Expo ku partisipashon di mayoria federashon di deporte siguí pa e kompetensia entre atletanan lokal ku ambishon internashonal.

Comments are closed.